19-21 iyun tarixlərində Monqolustanın paytaxtı Ulan-Batorda keçiriləcək cüdo üzrə Böyük Dəbilqə yarışında Azərbaycanı 19 idmançı təmsil edəcək.

Prosport.Az-ın xəbərinə görə, kişilərdə 12, qadınlarda isə 7 idmançı ilə mübarizə aparacağıq.

Kişilər: Əhməd Yusifov, Balabəy Ağayev (hər ikisi 60 kq), Nizami İmranov, Ruslan Paşayev (hər ikisi 66 kq), Hidayət Heydərov, Rəşid Məmmədəliyev (hər ikisi 73 kq), Zelim Çkayev (81 kq), Murad Fətiyev, Aslan Kotsoyev (hər ikisi 90 kq), Zelim Kotsoyev (100 kq), Camal Həmzətxanov, Kənan Nəsibov (hər ikisi +100 kq);

Qadınlar: Könül Əliyeva, Şəfəq Həmidova (hər ikisi 48 kq), Gültac Məmmədəliyeva, Leyla Əliyeva (hər ikisi 52 kq), Fidan Əlizadə (63 kq), Südabə Ağayeva (70 kq), Mədinə Kaysinova (+78 kq).

Qeyd edək ki, yarışda 57 ölkədən 415 idmançının (235 kişi, 180 qadın) ilkin qeydiyyatı baş tutub. Ev sahibi Monqolustanın hələ iştirakçı sayı təqdim etmədiyi siyahıda Azərbaycan 6-cı sıradadır. Ən çox Fransa və Rusiya cüdoçu ilə təmsil olunacaq. Hər iki millidə 14 kişi və 12 qadın idmançı yer alacaq.