Azərbaycan Voleybol Federasiyasının (AVF) prezidentinin müşaviri, Avropa Voleybol Konfederasiyasının (CEV) İdarə Heyətinin üzvü Cəlil Cəfərov CEV Champions League Final Four Women 2026 (qadınlar arasında Çempionlar Liqasının Dördlər Finalı) turnirində CEV nümayəndəsi kimi iştirak edir.

Prosport.Az xəbər verir ki, C.Cəfərov Türkiyənin İstanbul şəhərində təşkil olunan nüfuzlu turnir zamanı hakimlərin və supervayzerin fəaliyyətini qiymətləndirir, oyunların beynəlxalq standartlara uyğun təşkili və idarə olunmasına nəzarət edir.

Bundan başqa, CEV Tibb Komissiyasının üzvü olan həmyerlimiz Vüsalə Kazımova qismində tibb xidmətlərinin təşkilinə və həyata keçirilməsinə nəzarəti təmin edir.

Qeyd edək ki, dünənki oyunlardan sonra Çempionlar Liqasının finalında Türkiyənin 2 klubunun – "Vakıfbank" və "Əczacıbaşı"nın mübarizə aparacağı dəqiqləşib. 3-cü yer uğrunda isə İtaliya klubları –  "A. Karraro Proseçço Dok" və "Savino Del Bene" yarışacaq. Hər 2 oyun bu gün İstanbulun "Ülkər" İdman Arenasında keçiriləcək.