Qadın voleybolçulardan ibarət "Gəncə" komandası Azərbaycan Yüksək Liqasının bürünc medalçısı olub.

Prosport.Az xəbər verir ki, bu nəticə 3-cü yer uğrunda "Milli Aviasiya Akademiyası" ilə keçirilən qarşılaşmada əldə olunub.

Gənclər və İdman Nazirliyinin Voleybol Mərkəzində baş tutan görüş "Gəncə"nin 3:0 (25:18, 25:21, 25:21) hesablı qələbəsi ilə yekunlaşıb.

Qeyd edək ki, bu gün qızıl medal uğrunda keçiriləcək finalda "Turan" və "DH Volley" komandaları da üz-üzə gələcək. Görüş saat 16:00-da başlayacaq.