Kişi voleybolçular arasında Azərbaycan Yüksək Liqasında finalçılar müəyyənləşib.

Prosport.Az xəbər verir ki, ilk olaraq yarımfinalda "Xilasedici" "Murov Az Terminal"ı 3:0 (25:19, 25:19, 25:22) məğlub edərək həlledici raunda adlayıb. Tərəflər arasında ilk dueldə də "Xilasedici" eyni hesablı qələbəyə sevinmişdi.

Ardınca "Neftçi" və "Ordu" münasibətlərə aydınlıq gətiriblər. Gərgin idman mübarizəsi şəraitində keçən qarşılaşma "Ordu"nun 3:2 hesablı üstünlüyü ilə bitib və komanda finala yüksəlib. İlk matçda "Ordu" 3:0 hesabı ilə qalib gəlmişdi.

Oyunlar Fövqəladə Hallar Nazirliyinin idman zalında təşkil olunub.

Xatırladaq ki, reqlamentə əsasən, bürünc və qızıl medal uğrunda həlledici qarşılaşmalar cəmi 1 oyundan ibarət olacaq.