Qadın voleybol millimizin üzvü Natalya Məmmədova uzun illər sonra Azərbaycana qayıdıb.

Prosport.Az-ın xəbərinə görə, 41 yaşlı veteran voleybolçu Bakıda olmuşkən qadınlar arasında Azərbaycan çempionatının yarımfinal mərhələsinin "Milli Aviasiya Akademiyası" – "DH Volley" oyununa (0:3) dəvət olunub.

Azərbaycan Voleybol Federasiyasının prezidenti Şahin Bağırov Natalya Məmmədovaya gül dəstəsi bağışlayıb.

Qeyd edək ki, doğum soyadı Skazka olan Natalya Məmmədova 2004-2018-ci illərdə millimizin şərəfini qoruyub. Azərbaycanda "Azərreyl" və "Rabitə" klublarında da çıxış etmiş idmançının doğulduğu Ukraynanın Donetsk şəhəri işğal olduğundan, hazırda o, Fransada yaşayır.