Qadın voleybolçular arasında Azərbaycan Yüksək Liqasında yarımfinal mərhələsinə start verilib.

Prosport.Az xəbər verir ki, raundun hər iki qarşılaşması eyni gündə baş tutub.

İlk olaraq "Gəncə" "Turan"la üz-üzə gəlib. Qarşılaşma Tovuz təmsilçisinin 3:0 (25:22, 25:12, 25:13) hesablı qələbəsi ilə bitib. "Milli Aviasiya Akademiyası" "DH Volley" kollektivlərinin duelində isə ikincilər qələbə qazanıb - 3:0 (25:22, 25:19, 25:19). Beləliklə, Gənclər və İdman Nazirliyinin Voleybol Mərkəzində keçirilən hər iki qarşılaşmada debütant komandalar seviniblər.

Komandalar arasında 2-ci görüşlər aprelin 11-i və 13-də baş tutacaq.

Qeyd edək ki, reqlamentə əsasən, yarımfinal mərhələsi ev və səfər prinsipi ilə 2 oyundan ibarət olacaq. Komandaların qələbə sayı bərabər olarsa, qalibi müəyyənləşdirmək üçün "qızıl set" oynanılacaq.

Bürünc və qızıl medal uğrunda həlledici qarşılaşmalar isə cəmi 1 oyundan ibarət olacaq.