Vüsal Nəsirli Azərbaycan Avtomobil Yolları Dövlət Agentliyi (AAYDA) İdarə Heyətinin sədri təyin edilib.

Prosport.Az xəbər verir ki, bununla bağlı Prezident İlham Əliyev Sərəncam imzalayıb.

Qeyd edək ki, Vüsal Nəsirli bu Sərəncama qədər əmək və əhalinin sosial müdafiəsi nazirinin müavini idi. O, həm də maliyyə naziri Sahil Babayevin prezidenti olduğu Azərbaycan Boks Federiyasının vitse-prezidentidir. O, 2022-ci ilin 9 fevralından (Sahil Babayev prezident seçiləndən) bu vəzifədədir.

Maraqlısı budur ki, AAYDA-nın əvvəlki rəhbəri Saleh Məmmədov idi. 2017-ci ildən bu vəzifəni tutan Saleh Məmmədov həm də Azərbaycan Həndbol Federasiyasının prezidentidir. O, ilk dəfə 12 dekabr 2016-cı ildə federasiyaya prezident seçilib.