Voleybol üzrə qadınlar arasında keçirilən Yüksək Liqanın IX turunda debütant "DH Volley" "Milli Aviasiya Akademiyası" ilə qarşılaşıb. 

Prosport.Az xəbər verir ki, matç debütantın 3:0 hesablı qələbəsi ilə yekunlaşıb: 25:23, 25:17, 25:21. 

Hazırda turnir cədvəlində "Turan" 24 xalla 1-ci, "DH Volley" isə 18 xalla 2-ci yerdə qərarlaşıb. 

Qeyd edək ki, Fərid Cəlalovun baş məşqçisi olduğu komandanın növbəti matçı yanvarın 22-də baş tutacaq. "Abşeron" - "DH Volley" görüşü saat 18:00-da AVF-nin idman zalında baş tutacaq.