Azərbaycan Voleybol Federasiyasında yeni təyinat baş tutub.

Prosport.Az-ın xəbərinə görə, bunadək "Murov Az-Terminal" voleybol klubunda baş menecer işləyən Şiraslan Kərimov federasiyanın İdman şöbəsinin müdiri təyin olunub.

Qeyd edək ki, Vüqar Hüseynzadə icraçı direktor təyin olunduqdan sonra bu şöbədə rəhbər postu boş qalmışdı.

Onu da bildirək ki, MMA idman növü ilə məşğul olmuş Şiraslan Kərimov vaxtı ilə Gənclər və İdman Nazirliyində (mərhum Azad Rəhimovun vaxtında) Təhlükəsizlik protokolu üzrə rəhbər olub.