Azərbaycanın cüdo millisi III MDB Oyunlarının qarışıq komanda yarışında çempion olub. 

Prosport.Az-ın Göygölə ezam olunmuş əməkdaşının xəbərinə görə, yığmamız finalda Özbəkistan seçməsinə 7:4 hesabı ilə qalib gələrək qızıl medala yiyələnib. 

3-cü yer uğrunda qarşılaşmada isə Belarus Tacikistana 7:3 qalib gəlib.

Qeyd edək ki, cüdoçularımız yarımfinalda Tacikistanı 7:3 hesabı ilə üstələmişdi. 

Beləliklə, Azərbaycan idmançıları Göygöldə keçirilən III MDB Oyunlarının cüdo yarışlarını 22 medalla (6 qızıl, 7 gümüş və 9 bürünc) başa vurub.

12:55

Azərbaycan cüdoçuları Göygöl Olimpiya İdman Kompleksində keçirilən III MDB Oyunlarının qarışıq komanda yarışında finala yüksəlib.

Prosport.Az xəbər verir ki, yığmamız yarımfinalda Tacikistan seçməsinə 7:3 hesabı ilə qalib gəlib.

Millimiz finalda Özbəkistanla qarşılaşacaq. Özbəkistan əvvəlcə Belarusu 7:0 və yarımfinalda Rusiyanı 7:5 məğlub edib.

Beləliklə, saat 17:00-dan etibarən cüdo millimiz finalda Özbəkistanla qarşılaşacaq.

Qeyd edək ki, dünən fərdi yarışlarda Azərbaycan cüdoçuları 21 medal qazanıb. 

Gülşən Hüseynova (44 kq), Zeyd Ələsgərov (60 kq), Könül Eyvazova (48 kq), Fəxri Sahibzadə (66 kq) və Nərmin Ağamirzadə (52 kq) 1-ci yerə çıxıb. Sübhan Axundov (+90 kq), Məhəmməd Ağakişiyev (81 kq), Nəzakət Əliyeva (57) kq), Hüseyn Hüseynov (66 kq), Sunay Salamova (40 kq), Məhəmmədəli Hüsüyev (55 kq), Röyal Qayibov (60 kq) gümüş, Anar Quliyev (50 kq), İbrahim Talıbov (55 kq), Xədicə Abdullayeva (44 kq), Aysun Məmmədova (52 kq), Sadiq Məmmədov (73 kq), Nürəddin Əliyev (90 kq), Tunar Fərzəliyev (+90 kq), Zemfira Əliyeva (+70 kq) və Fidan Cəlilli (70 kq) bürünc medal əldə edib.