Azərbaycanda bu 2 komandanın adı dəyişdirilir.

Prosport.Az-ın xəbərinə görə, hər iki komanda Mərkəzi Ordu İdman Klubunundur (MOİK).

Belə ki, ötən il MOİK-də gedən struktur dəyişikliyindən sonra qurumun loqosu dəyişdirilib və üzərində "Ordu" yazılmağa başlanılıb. İlk olaraq basketbolda yaradılan və ötən mövsüm Azərbaycan Basketbol Liqasında debüt etmiş komanda "Ordu" adlandırılıb.

İndi sözügedən qurum futbol və voleybolda da eyni addımı atmağı düşünür. Sözügedən idman növlərində komanda yeni mövsümdən etibarən məhz "Ordu" adı ilə çıxış edəcək. Bu komandaların loqolarında top idman növlərinə uyğun olacaq.

Qeyd edək ki, digər idman növlərindən fərqli olaraq, futbolda komanda I Liqada çıxış edir.