Kişi voleybolçuların Yüksək Liqasının ən yaxşı oyunçuları və Rəmzi komandası (“Dream team”) bəlli olub.

Prosport.Az xəbər verir ki, Milli Gimnastika Arenasında keçirilən final qarşılaşması ("Murov Az Terminal" – "Azərreyl" 1:3) ilə Azərbaycan çempionatına yekun vurulub. 

Oyundan dərhal sonra qalib komandalara medal və kuboklar təqdim olunub. Həmçinin Yüksək Liqanın ən yaxşı oyunçuları və Rəmzi komandası müəyyənləşib.

Mükafatları Azərbaycan Voleybol Federasiyasının vitse-prezidenti Bəhruz Quliyev təqdim edib.

Kişi voleybolçular arasında Yüksək Liqada fərqlənən oyunçular:

Ən dəyərli oyunçu (MVP) – Sergey Platanenkov (“Azərreyl”)
Ən gənc və perspektivli oyunçu – Zamiq Mayılov (“Gənclər”)

Rəmzi komanda:

Ən yaxşı toppaylayıcı – Roman Yeqorov (“Azərreyl”)
Ən yaxşı hücumçu – Sepe Batens (“Murov Az Terminal”)
Ən yaxşı hücumçu – Məhəmmədhüseyn Şarxlui (“Azərreyl”)
Ən yaxşı libero – Nihad Qasımov (“Azərreyl”)
Ən yaxşı orta oyunçu – Aleksey Samoylenko (“Murov Az Terminal”)
Ən yaxşı orta oyunçu – Almora Qustava (“Xilasedici”)
Ən yaxşı diaqonal oyunçu – Nikita Alekseyev (“Murov Az Terminal”)

Eləcə də çempionatın oyunlarını canlı yayımlayan “CBC Sport” telekanalına və GİN-in Voleybol Mərkəzinə qarşılaşmaların keçirilməsində göstərdiyi dəstəyə görə təşəkkürnamələr verilib.