Azərbaycan cüdoçuları U-15 Gimnaziadasını 7 medalla başa vurub.

Prosport.Az-ın cüdo yarışlarının keçirildiyi Luçani şəhərinə ezam olunmuş əməkdaşının verdiyi xəbərə görə, bu gün oğlanlarda 2, qızlarda 1 medal olub.

Oğlanlarda 38 kq-da Fuad Rəhimli Felipi Fransanı (Braziliya), Aleksandar Beqoviçi (Serbiya) və Svyatovslav Nesvyetovu (Ukrayna) yenərək qızıl medal qazanıb.

42 kq-da Fərid Rzazadə Le Mayı (Tayvan), Saulu Fereyranı (Braziliya) və Zoreslav Semenenkonu (Ukrayna) məğlub edərək çempion olub.

Qızlarda 63 kq-da Türkan Məmmədli Mariya Alekseyenkonu (Ukrayna) məğlub etsə də, yarımfinalda Danitsa Stoyanoviçə (Serbiya) uduzub. O, bürünc medal uğrunda yarışda Uyanqa Nandintsetseqə (Monqolustan) qalib gəlib.

Beləliklə, Azərbaycan cüdoçuları 3 qızıl və 4 bürünc medalla Gimnaziadanı tamamlayıb.
Qeyd edək ki, Azərbaycan 2011-2012 təvəllüdlü 18 cüdoçu ilə yarışa qatılmışdı.