16 yaşadək voleybolçu qızlardan ibarət millimiz (U-16) Şərqi Avropa Voleybol Zonal Assosiasiyası (EEVZA) çempionatına məğlubiyyətlə başlayıb.

Prosport.Az-ın xəbərinə görə, türkiyəli Şahin Çatmanın baş məşqçisi olduğu yığmamız Polşanın Dembitsa şəhərində keçirilən yarışda Estoniyaya 0:3 (21:25, 15:25, 19:25) hesabı ilə uduzub.

Millimizin yer aldığı B qrupunun digər matçında Litva Ukraynaya 3:1 qalib gəlib.

Qeyd edək ki, U-16 millimiz bu gün Bakı vaxtı ilə saat 23:00-da Litva ilə qarşılaşacaq.