Vəli İsrafilov Paralimpiya Oyunlarında bu dəfə bürünc medalla kifayətlənib.

Prosport.Az xəbər verir ki, o, SB13 kateqoriyasında 100 metr məsafəyə brass üsulu ilə üzmədə 1:05:35 nəticə ilə 3-cü pillədə qərarlaşıb.

Bununla da Azərbaycanın medallarının sayı 7-yə çatıb. Belə ki, Azərbaycan indiyədək 3 qızıl, 1 gümüş və 3 bürünc medal qazanıb.

13:35

Üzgüçülük üzrə paralimpiya və ikiqat dünya çempionumuz Vəli İsrafilov Fransada təşkil olunan Paris-2024 Yay Paralimpiya Oyunlarında finala yüksəlib.

Prosport.Az xəbər verir ki, SB13 kateqoriyasında yer alan idmançı 100 metr məsafəyə brass üsulu ilə çıxış edib.

O, ilk "8-liy"ə düşdüyündən, həlledici raunda vəsiqə qazanıb. Vəli İsrafilov 1:05.82 dəqiqə ilə öz qrupunda 2-ci, 16 iştirakçı arasında 3-cü olub.

Final bu gün Bakı vaxtı ilə saat 19:30-da keçiriləcək.

Qeyd edək ki, Paralimpiya Oyunları sentyabrın 8-də başa çatacaq.