Atlet Lamiyə Vəliyeva Fransanın paytaxtı Parisdə təşkil olunan Yay Paralimpiya Oyunlarında yeni dünya rekordu müəyyənləşdirərək qızıl medal qazanıb.

Prosport.Az xəbər verir ki, 22 yaşlı dördqat dünya çempionumuz T13 kateqoriyasında 100 metr məsafəyə qaçışda uğurlu nəticəyə imza atıb.

11.76 saniyə nəticə ilə finiş xəttini 1-ci keçən L.Vəliyeva fəxri kürsünün ən yüksək pilləsinə qalxıb. İdmançımız bununla da Rio-2016 Paralimpiadasında 11.79 saniyə nəticə ilə ən yaxşı göstəriciyə malik olan Ukrayna tatarı Leyia Acametovanı qabaqlayaraq yeni dünya rekordu müəyyənləşdirib.

Qeyd edək ki, Leyla Vəliyeva Tokio-2020-də 400 metr məsafəyə qaçışda da qızıl medal qazanmışdı. O, Parisdə də 400 metr məsafəyə qaçışda qüvvəsini sınayacaq və 3-cü dəfə paralimpiya çempionu ola bilər. 

Azərbaycan yığması Paris-2024 Yay Paralimpiya Oyunlarında 3 qızıl, 1 gümüş və 1 bürünc medal əldə edib.

13:23

Azərbaycan paraatleti Lamiyə Vəliyeva (T13) Fransanın paytaxtı Parisdə keçirilən Yay Paralimpiya Oyunlarında finala yüksəlib.

Prosport.Az xəbər verir ki, idmançı buna təsnifat mərhələsində 100 metr məsafəni 11,81 saniyəyə qət edərək nail olub.

Öz qrupunda birinci yeri tutan “Tokio-2020” Yay Paralimpiya Oyunlarının qızıl və gümüş mükafatçısı şəxsi göstəricisini də yaxşılaşdırıb.

Final mərhələsi bu gün Bakı vaxtı ilə saat 22:13-də keçiriləcək.

Qeyd edək ki, hazırda Azərbaycanın aktivində 2 qızıl, 1 gümüş və 1 bürünc medal var.