Bakıda Heydər Əliyevin xatirəsinə həsr olunmuş həndbol üzrə beynəlxalq turnirə start verilib.

Prosport.Az xəbər verir ki, “AHF Arena”da keçirilən yarışın açılış matçında Azərbaycanın "Kür" (Mingəçevir) və Qazaxıstanın "Astana" komandaları üz-üzə gəlib. Qarşılaşma qonaqların 36:26 hesablı qələbəsi ilə başa çatıb.

Günün növbəti görüşündə "Qarabağ" Özbəkistan millisini sınağa çəkəcək. Oyunun start fiti saat 17:00-da səslənəcək.

Qeyd edək ki, qadınlardan ibarət 6 komandanın iştirak etdiyi turnirə sentyabrın 1-də yekun vurulacaq.