Qadın həndbolçulardan ibarət "Kür" klubuna yeni baş məşqçi təyin olunub.

Prosport.Az xəbər verir ki, Mingəçevir təmsilçisi bu vəzifəyə monteneqrolu Milorad Despotoviçi gətirib. Onunla 1 illik müqavilə imzalanıb.

Despotoviç bundan əvvəl ölkəsinin “Ulsin” kollektivində işləyib.

Bundan başqa, klub heyətini 6 yeni həndbolçu ilə gücləndirib. Azərbaycan Kubokunun son qalibi İvana Mitroviç (Serbiya), Sara Piraniç, Tamara Radonyiç, Miliça Rayçeviç (hamısı Monteneqro), Leonora Rahmani (Şimali Makedoniya) və Mədinə Musayevanın keçidini rəsmiləşdirib.

Qeyd edək ki, "Kür" bu mövsüm Azərbaycanı avrokuboklarda təmsil edəcək. Onun Avropa Kubokundakı rəqibi Yunanıstanın "İonias" klubu olacaq. Oktyabrda keçiriləcək hər iki oyun Yunanıstanın paytaxtı Afinada baş tutacaq.