Azərbaycanın yunan-Roma güləşçisi Sabah Şəriəti "Paris-2024" Yay Olimpiya Oyunlarında yarımfinal görüşünə çıxıb.

Prosport.Az xəbər verir ki, 130 kq çəki dərəcəsində mübarizə aparan idmançı finala gedən yolda kubalı Mixain Lopeslə qarşılaşıb.

Dördqat olimpiya çempionuna 1:4 hesabı ilə məğlub olan güləşçimiz sabah bürünc medal uğrunda mübarizə aparacaq.

S.Şəriəti 1/8 finalda estoniyalı Heyki Nabiyə, 1/4 finalda isə qazaxıstanlı Alimxan Sidikova qalib gəlmişdi.

19:20

Azərbaycanın yunan-Roma güləşçisi Murad Məmmədov (60 kq) "Paris-2024" Yay Olimpiya Oyunlarında çıxışını başa vurub.

Prosport.Az xəbər verir ki, buna idmançının 1/8 finalda uduzduğu venesuelalı Rayber Joze Rodriges Oroskonun finala yüksələ bilməməsi səbəb olub.

Orosko 1/4 finalda məğlub olduğu üçün M.Məmmədov bürünc medal uğrunda təsəlliverici görüşlərə qatılmaq şansını itirib.

Digər yunan-Roma güləşçimiz Sabah Şəriəti (130 kq) isə yarımfinala vəsiqə qazanıb.

18:43

Azərbaycanın yunan-Roma güləşçisi Sabah Şəriəti Fransanın paytaxtı Parisdə keçirilən Yay Olimpiya Oyunlarında növbəti görüşünə çıxıb.

Prosport.Az xəbər verir ki, 130 kq çəki dərəcəsində yer alan idmançı 1/4 finalda qazaxıstanlı Alimxan Sızdikovla qarşılaşıb.

Rəqibinə 4:0 hesabı ilə qalib gələn Şəriəti yarımfinala yüksəlib.

Təmsilçimiz finala gedən yolda kubalı Mixain Lopes Nunyeslə üz-üzə gələcək.

Görüş bu gün Bakı vaxtı ilə saat 23:00-da başlayacaq.

18:01

Azərbaycanın yunan-Roma güləşçisi Murad Məmmədov Fransanın paytaxtı Parisdə keçirilən Yay Olimpiya Oyunlarında mübarizəyə qoşulub.

Prosport.Az xəbər verir ki, 60 kq çəki dərəcəsində yer alan idmançı Venesueladan olan Rayber Joze Rodriges Orosko ilə üz-üzə gəlib.

Yarışa 1/8 finaldan qoşulan Məmmdəov rəqibinə məğlub olub - 5:6.

Qeyd edək ki, Azərbaycanın digər yunan-Roma güləşçisi Sabah Şəriəti (130 kq) 1/4 finala yüksəlib.

17:37

Azərbaycanın yunan-Roma güləşçisi Sabah Şəriəti Fransanın paytaxtı Parisdə keçirilən Yay Olimpiya Oyunlarında mübarizəyə qoşulub.

Prosport.Az xəbər verir ki, 130 kq çəki dərəcəsində yer alan idmançı estoniyalı Heyki Nabi ilə mübarizə aparıb.

Yarışa 1/8 finaldan qoşulan Şəriəti rəqibinə qalib gəlib.

Bununla da idmançımız 1/4 finala yüksəlib.