Azərbaycanın güllə atıcısı Ruslan Lunyov "Paris-2024" Yay Olimpiya Oyunlarında mübarizəni dayandırıb.

Prosport.Az xəbər verir ki, pnevmatik tapançadan 25 metr məsafəyə atəşaçma yarışında 580 xal toplayan idmançı təsnifat mərhələsində 18-ci yeri tutub və finala vəsiqə qazana bilməyib. Bununla da Olimpiadada çıxışını başa vurub.

Xatırladaq ki, Ruslan Lunyov 10 metr məsafəyə atəşaçmada 24-cü olmuşdu.

Qeyd edək ki, hazırda Azərbaycanın aktivində 3 medal var. Cüdoçular Hidayət Heydərov (73 kq) və Zelim Kotsoyev (100 kq) olimpiya çempionu olub, boksçu Loren Alfonso (92 kq) isə finala vəsiqə qazanmaqla ən azı gümüş mükafatı təmin edib.