Azərbaycanın boksçusu Loren Alfonso "Paris-2024" Yay Olimpiya Oyunlarında yarımfinal görüşünü keçirib.

Prosport.Az xəbər verir ki, 92 kq çəki dərəcəsində çıxış edən idmançı finala gedən yolda İspaniyanı təmsil edən kubalı həmyerlisi Enmanuel Reyeslə qarşılaşıb.

Rəqibinə qalib gələn boksçumuz həlledici döyüşə vəsiqə qazanıb. Onun finaldakı rəqibi Ləzizbəy Mollacanov (Özbəkistan) – Dövlət Baltayev (Tacikistan) cütünün qalibi olacaq.

Qeyd edək ki, hazırda Azərbaycanın aktivində 3 medal var. Cüdoçular Hidayət Heydərov (73 kq) və Zelim Kotsoyev (100 kq) olimpiya çempionu olub, Loren Alfonso isə finala vəsiqə qazanmaqla ən azı gümüş mükafatı təmin edib.