Yaxşı oynamadım, lakin pis də çıxış etmədim. Səhv buraxdım, amma özümlə fəxr edirəm, çünki olimpiadada mübarizə apardım.

Prosport.Az xəbər verir ki, bunu "Paris-2024" Yay Olimpiya Oyunlarında çıxışını başa vuran Azərbaycan badmintonçusu Keyşa Fatimə Zəhra deyib.

Qrupdakı ikinci matçında Böyük Britaniya təmsilçisi Kirsti Gilmura uduzan (0:2) idmançı Azərbaycan Badminton Federasiyasına, məşqçisinə və ailəsinə təşəkkür edib: "Çünki qalib və ya məğlub olmağıma baxmayaraq onlar məni həmişə dəstəkləyiblər".

Qeyd edək ki, "Paris-2024" avqustun 11-də başa çatacaq.