Həndbol üzrə Azərbaycan çempionatının ötən mövsüm üzrə gümüş medalçısı və ölkə kubokunun qalibi olmuş "Kür" qadın komandasını 6 idmançı tərk edib.

Prosport.Az xəbər verir ki, onlar bu həndbolçulardır: Qreys Çinemerem, İrina Pançenko, Kristina Cavaxia, Alla Çernışkova, Aytən Eminova, Nəzrin Quliyeva.

Qeyd edək ki, "Kür" qadın komandası yeni mövsümdə Azərbaycanı avrokubokda təmsil edəcək. Mingəçevir təmsilçisinin Avropa Kubokunda II mərhələsindəki rəqibi Yunanıstanın "İonias" klubu olacaq. İlkin təqvimə əsasən "Kür" ilk matçını 5/6 oktyabrda Mingəçevirdə, 12/13 oktyabrda Yunanıstanda – Neo İonia şəhərində keçirəcək.