Azərbaycanı Paris-2024 Paralimpiya Oyunlarında təmsil edəcək 18-ci idmançı müəyyənləşib.

Prosport.Az xəbər verir ki, pauerliftinq üzrə millimizin üzvü Ceyhun Mahmudov (54 kq) Paris-2024 Paralimpiya Oyunlarında iştirak hüququ qazanıb.

Milli Paralimpiya Komitəsi tərəfindən göndərilən sorğu əsasında 2023-cü ildə Dünya Kubokunun qalibi olmuş idmançıya Beynəlxaq Paralimpiya Komitəsindən Paralimpiadada iştirak hüququ (“Bipartite”) verilib.

Ceyhun Mahmudov bu barədə fikirlərini bildirib:

"Paris Paralimpiadasında iştirak hüququ qazandığım üçün çox sevincliyəm. Öz ölkəni ən mötəbər idman yarışında təmsil etmək hər idmaçıya nəsib olmur. Bu, karyeramın ən böyük uğurudur. Məşqlərimi yüksək səviyyədə davam etdirirəm. Məqsədim Vətənə medalla qayıtmaqdır".

Qeyd edək ki, daha əvvəl 4 idmançımıza - Vəli İsrafilov (üzgüçülük), Aybəniz Babayeva (atıcılıq), Xatirə İsmiyeva (cüdo) və Cahan Musayevə (kamandan oxatma) xüsusi güzəştlə Paralimpiya Oyunlarında iştirak hüququ verilmişdi.