Sabah şahmat üzrə gəncər arasında dünya çempionatı start götürəcək.

Prosport.Az xəbər verir ki, yarış Hindistanın Qandinaqar şəhərində keçiriləcək.

Azərbaycan şahmatçıları da dünya çempionatında iştirak edəcəklər. Yığmamız yalnız qızların yarışında təmsil olunacaq.

Ayan Allahverdiyeva, Nərmin Abbasova və Səbinə Rzalı Asiyada uğur qazanmağa çalışacaqlar. Turnir İsveçrə sistemi ilə keçiriləcək. Çempionat 11 turdan ibarət olacaq.

Qeyd edək ki, qızların yarışında 102 şahmatçı mübarizə aparacaq.