"Hazırda çox emosionalam. Mən dostlarımla danışanda da onlar bilirdi ki, bu yarışda ambisiyam yoxdur".

Prosport.Az-ın xəbərinə görə, bunu Yunanıstanın Rodos adasının eyniadlı şəhərində Avropa çempionu olan şahmatçımız Ülviyyə Fətəliyeva deyib.

O, qadınlar arasında ilk Avropa çempionumuz kimi tarixə düşsə, bu yarışda qızıl medal qazanacağını gözləmədiyini bildirib: "Ancaq elə oldu ki, mən ən yaxşı nəticəmi göstərdim!".

Qeyd edək ki, bu nəticə ilə Ülviyyə Fətəliyeva 10 min avro pul mükafatı əldə edib. O həmçinin, Dünya Kubokunda iştirak etmək hüququ əldə edib.