Tacikistanın paytaxtı Düşənbədə keçirilən cüdo üzrə Qran Pri turnirində Azərbaycan daha bir medal qazanıb.

Prosport.Az xəbər verir ki, Yaşar Nəcəfov (66 kq) bürünc medal uğrunda görüşdə türkmənistanlı Hakim Ağaməmmədova qalib gəlib.

Bununla da, Azərbaycan cüdoçuları yarışın ilk gününü 2 gümüş və 1 bürünc medalla başa vurub.

17:25

Azərbaycanın qadın cüdoçusu Gültac Məmmədəliyeva Tacikistanın paytaxtı Düşənbədə keçirilən Qran Pri turnirində gümüş medal qazanıb.

Prosport.Az xəbər verir ki, 52 kq-dakı idmançı finalda neytral statusda çıxış edən Alesya Kuznetsovaya uduzub.

Görüşün əsas vaxtında hesab açılmayıb. Qızıl xal bölümündə ağrıdıcı fəndlə məğlub olan Məmmədəliyeva gümüş medalla kifayətlənib.

Digər cüdoçumuz Turan Bayramov da final görüşünə çıxıb. 60 kq çəki dərəcəsində yer alan idmançımız qızıl medal uğrunda qarşılaşmada neytral statusda güləşən Ramazan Abdullayevlə üz-üzə gəlib. Rəqibinə ipponla uduzan Bayramov da 2-ci yerlə kifayətlənib.

Qeyd edək ki, Yaşar Nəcəfov (66 kq) da bürünc medal görüşünə çıxacaq.