Azərbaycan şahmatçısı Nicat Abasov Kanadanın Toronto şəhərində keçirilən Namizədlər Turnirində növbəti görüşünə çıxıb.

Prospekt.Az xəbər verir ki, 28 yaşlı qrossmeyster IV turda Fransa təmsilçisi Əlirza Firuzca ilə üz-üzə gəlib.

Ağ fiqurlarla oynayan Nicat Abasov rəqibi ilə heç-heçə edib – 0,5:0,5.

O hazırda 1,5 xalla 4-8-ci yerləri bölüşdürür. Rusiyalı Yan Nepomnyaşşi (FIDE) 3 xalla liderdir.

Qeyd edək ki, yarış aprelin 22-də başa çatacaq. 8 şahmatçının 2 dövrədən ibarət mübarizəsində 1-ci olan qrossmeyster hazırkı dünya çempionu Din Lirenlə (Çin) şahmat tacı uğrunda oynamaq hüququ əldə edəcək.