Kanadanın Toronto şəhərində şahmat üzrə Namizədlər Turnirinin II turunun görüşləri keçirilib.

Prosport.Az xəbər verir ki, yarışda Azərbaycanı təmsil edən Nicat Abasov bu dəfə uğursuz nəticə ilə yadda qalıb.

Qrossmeyster ABŞ təmsilçisi Fabiano Karuanaya məğlub olub. Abasov qara fiqurlarla çıxış edib.

Şahmatçımız III turda ağ fiqurlarla Hikaru Nakamura (ABŞ) ilə qarşılaşacaq. İlk iki turda hər iki qrossmeyster bir heç-heçə, bir məğlubiyyətlə yadda qalıb.

Qeyd edək ki, yarış aprelin 22-dək davam edəcək. 8 şahmatçının iki dövrədən ibarət mübarizəsində birinci yeri tutan hazırkı dünya çempionu Dinq Lirenlə (Çin) Şahmat Tacı uğrunda oynamaq hüququ əldə edəcək. Turnirin ümumi mükafat fondu 500 min avro təşkil edir. Qalib 48 min avro qazanacaq.