Kanadanın Toronto şəhərində keçiriləcək şahmat üzrə İddiaçılar Turnirinin püşkü atılıb.

Prosport Az xəbər verir ki, Azərbaycan təmsilçisi Nicat Abasov ilk turda rusiyalı Yan Nepomnyaşşi ilə üz-üzə gələcək.

28 yaşlı qrossmeyster II turda ABŞ təmsilçisi Fabiano Karuana ilə görüşəcək.

Abasov III turda bu ölkənin digər şahmatçısı Hikaru Nakamura ilə, IV turda Fransa təmsilçisi Əlireza Firuzca, V turda hindistanlı Dommaracu Qukeş, VI turda Qukeşin həmyerlisi Rameşbabu Praqnanandha, VII turda digər hindistanlı Santoş Viditlə görüşəcək.

Azərbaycan şahmatçısı II dövrədə – VIII-XIV turlarda eyni ardıcılıqla görüşlər keçirəcək.

Qeyd edək ki, İddiaçılar Turniri aprelin 2-25-i aralığında reallaşacaq.