"İlk hissədə göründü ki, hər iki komanda məğlub olmaq istəmir. Ona görə də ehtiyatlı oynadıq. Fasilədən sonra daha maraqlı və dinamik oyun oldu. Futbolçularımıza demişdik ki, "Səbail"də fərdi ustalığı yüksək olan oyunçular var. Onlara diqqətli olmağı tapşırmışdıq. Amma müdafiədə diqqətsizlik edib ilk qolu buraxdıq. Ondan sonra daha açıq oyun getdi. "Səbail" çalışırdı ki, bizi əks-hücumda tutsun. Elə də oldu".

Prospekt.Az xəbər verir ki, bu sözləri "Sabah"ın məşqçisi Ruslan Qafitullin deyib. O, Premyer Liqanın XXIV turunun "Səbail"lə oyunundan (0:2) sonra jurnalistlərin suallarını da cavablandırıb.

– Baş məşqçi nə vaxt təyin olunacaq?
– Hələ ki məlumatımız yoxdur.

– Komandanın kapitanı Elvin Camalovun performansı çox aşağıdır...
– Elvin elə oyunçudur ki, həmişə çalışır, özünə yaxşı baxır, bütün matçlara motivasiya ilə çıxır. Meydançanın da təsiri var idi. Çox şey göstərə bilmədik.