Azərbaycanın yüngül çəkidə MMA döyüşçüsü Rafael Fiziyevin öz kateqoriyası üzrə reytinq cədvəlindəki mövqeyi müəyyənləşib.

Prosport.Az xəbər verir ki, 30 yaşlı idmançı yüngül çəkidə 6-cı pillədə yer alıb.

Martdakı döyüşdə ona qalib gələn ABŞ təmsilçisi Castin Qeyci 3-cü sırada qərarlaşıb. Yüngül çəki üzrə reytinqə braziliyalı Şarles Oliveyra başçılıq edir. 2-ci yerin sahibi amerikalı Dastin Poryedir.

Bütün kateqoriyaların qalibləri ayrıca top-reytinqdə sıralanıblar. Fiziyevin də yer aldığı yüngül çəkidə rusiyalı çempion İslam Maxaçev ümumi reytinqin 3-cü pilləsindədir. Ağır çəkidə çempion olan amerikalı Con Cons isə ümumi reytinqə başçılıq edir.