Monteneqronun Budva şəhərində keçirilən şahmat üzrə komandalararası Avropa çempionatının VIII turunda komandalarımız qalib gəlib.

Prosport.Az xəbər verir ki, turnirdə uğursuz çıxış edən kişi şahmatçılarımız Belçika ilə görüşdə maksimum nəticə qazanıb. Komandamız 2 lövhədə qələbə qazansa da, 2 lövhədə "sülh" qeydə alınıb. Bu qələbə yığmamızı 18-ci pilləyə yüksəldib.

VIII tur
Kişilər. Belçika – Azərbaycan 1:3
Daniel Darda – Şəhriyar Məmmədyarov 0,5:0,5
Yasper Beukema – Rauf Məmmədov 0:1
Lenert Lenarts – Nicat Abbasov 0,5:0,5
Adrian Roos – Vasif Durarbəyli 0:1
Turnir cədvəli: 1. Serbiya, 2. Almaniya hər üçü 13 xal, 3. İngiltərə – 11, ... 18. Azərbaycan – 8

Qadınlardan ibarət Azərbaycan millisi isə Yunanıstan üzərində qələbə qazanıb. 1-ci lövhədə Günay Məmmədzadə qələbəyə sevinib. Digər 3 şahmatçımız heç-heçəyə razılaşıb. Hesabında 13 xal olan millimiz lider Bolqarıstandan 1 xal geri qalır.

VIII tur
Qadınlar. Azərbaycan – Yunanıstan 2,5:1,5
Günay Məmmədzadə – Stavrula Solakidu 1:0
Ülviyyə Fətəliyeva – Anastasia Avramidu 0,5:0,5
Xanım Balacayeva – Ekaterini Pavlidu 0,5:0,5
Gülnar Məmmədova – Marina Makropulu 0,5:0,5
Turnir cədvəli: 1. Bolqarıstan – 14, 2. Azərbaycan – 13. 3. Fransa – 12 xal.

Qeyd edək ki, bu gün Avropa çempionatına yekun vurulacaq. Qadın yığmamız 4-cü pillədəki Serbiya ilə qarşılaşacaq. Komandamız qalib gəlsə, lider Bolqarıstan da Gürcüstanla görüşdə xal itirsə, qadın millimiz tarixində ilk dəfə Avropa çempionu olacaq. Əgər Bolqarıstan da, millimiz də qalib gəlsə, yenə komandamız ilk dəfə Avropa çempionatının gümüş medallarını qazanacaq. Çünki qadın millimizin qitə çempionatında ən yaxşı nəticəsi 3 dəfə Avropa 3-cülüyü olub.

Turnirin reytinq favoriti sayılan kişi millimiz isə son turda nəticəsi o qədər də önəm kəsb etməyən görüşdə İtaliya ilə qarşılaşacaq.