Monteneqronun Budva şəhərində keçirilən şahmat üzrə komandalararası Avropa çempionatının VI turuna start verilib. 

Prosport.Az xəbər verir ki, 1 günlük fasilədən sonra qadın şahmatçılarımız Bolqarıstan, kişi zəka sahiblərimiz Yunanıstan komandaları ilə üz-üzə gəlib.

Çempionatda lider olan qadın yığmamız gözlənilmədən Yunanıstana uduzub. 3 lövhədə heç-heçə oynayan komandamızın heyətində Ülviyyə Fətəliyevanın bulqar türkü Nurgül Səlimovaya məğlubiyyəti həlledici olub.

Kişilərdən ibarət komandamızın heyətində isə eyni aqibəti Teymur Rəcəbov yaşayıb. Onun uduzması yığmamızın turu xalsız başa vurması ilə nəticələnib.

Avropa çempionatı

VI tur
Qadınlar
Bolqarıstan – Azərbaycan 2,5:1,5
Antoaneta Stefanova – Günay Məmmədzadə 0,5:0,5
Nurgül Səlimova – Ülviyyə Fətəliyeva 1:0
Viktoriya Radeva – Xanım Baladjayeva 0,5:0,5
Qerqana Peyçeva – Gülnar Məmmədova 0,5:0,5

Turnirin vəziyyəti: 1. Fransa - 11, 2. Bolqarıstan – 10, 3. Azərbaycan – 9 xal.

Yunanıstan – Azərbaycan 2,5:1,5
Nikolas Teodoru – Teymur Rəcəbov 1:0
Dimitrios Mastrovasilis – Şəhriyar Məmmədyarov 0,5:0,5
İoannis Papayoannu – Nicat Abbasov 0,5:0,5
Stamatis Kurkulos-Artidis – Vasif Durarbəyli 0,5:0,5

Turnirin vəziyyəti: 1. Almaniya. 2 İngiltərə – hər ikisi 10 xal, 3. Rumıniya. 4. Serbiya – hər ikisi 10 xal, ...17. Azərbaycan – 6.