Monteneqronun Budva şəhərində şahmat üzrə komandalararası Avropa çempionatı davam edir.

Prosport.Az xəbər verir ki, yarışın V turu çərçivəsində kişi şahmatçılardan ibarət Azərbaycan millisi Monteneqro, qadınlar isə Almaniya ilə üz-üzə gəlib.

Ev sahiblərinə qarşı oyuna millimiz Teymur Rəcəbovsuz çıxıb. Millimiz çətinlik çəkmədən qələbə qazanıb. Qələbədə pay sahibləri son 2 lövhədə çıxış edən şahmatçılarımız olub.

Qadınlardan ibarət yığmamız liderlər qrupunda yer alan və 3-cü sırada olan Almaniya ilə qarşılaşıb. Dünən Fransa ilə heç-heçə oynayan komandamız bu dəfə xal itirməyib. 5 turda 4 qələbə və 1 heç-heçə edən yığma 2-ci pillədə qərarlaşıb.

Avropa çempionatı

V tur
Azərbaycan – Monteneqro 3:1

Şəhriyar Məmmədyarov – Denis Kadriç 0,5:0,5
Rauf Məmmədov – Nikola Cukiç 0,5:0,5
Nicat Abasov – Nikita Petrov 1:0
Vasif Durarbəyli – Luka Draşkoviç 1:0

Turnir cədvəli: 1. Almaniya 9, 2. Serbiya, 3. Ermənistan – hər ikisi 8… 9. Azərbaycan – 6 xal.

Azərbaycan – Almaniya 2,5:1,5

Günay Məmmədzadə – Elizabet Pets 1:0
Ülviyyə Fətəliyeva – Dinara Vaqner 0,5:0,5
Gövhər Beydullayeva – Yozefine Haynemann 0,5:0,5
Gülnar Məmmədova – Hana Mari Klek 0,5:0,5

Turnir cədvəli: 1. Fransa, 2. Azərbaycan – hər ikisi 9 , 3. Bolqarıstan – 8 xal.

Qeyd edək ki, VI turda kişi yığmamız Yunanıstanla, qadın millimiz Bolqarıstanla qarşılaşacaq.