Dünən Monteneqronun Budva şəhərində şahmat üzrə komandalararası Avropa çempionatının III turu keçirilib.

Prosport.az xəbər verir ki, kişi şahmatçılardan ibarət Azərbaycan millisi İsveçlə qarşılaşıb. Yığma asan qələbə qazanıb. 4 lövhədən yalnız birində heç-heçə qeydə alıb, digərləri həmyerlilərimizin üstünlüyü ilə yekunlaşıb – 3,5:0,5. Azərbaycan 4 xalla 11-cidir.

Turnir cədvəlinin lideri olan qadın şahmatçılardan ibarət milli isə Polşanı məğlub edib. Komandamız 2 lövhədə qələbə qazanıb, 2 lövhədə heç-heçə oynayıb. Yığma maksimum nəticə ilə lider mövqeyindəki yerini qoruyub. Komandamız Fransa ilə birgə 6 xala malikdir.

Avropa çempionatı

III tur
Kişilər
Azərbaycan – İsveç 3,5:0,5
Teymur Rəcəbov – Nils Qrandelius 0,5:0,5
Şəhriyar Məmmədyarov – Erik Blomkvist 1:0
Rauf Məmmədov – Tayqer Hilarp Person 1:0
Vasif Durarbəyli – Hampus Sorensen 1:0

Qadınlar
Polşa – Azərbaycan 1:3
Monika Soçko – Günay Məmmədzadə 0,5:0,5
Oliviya Kyovbasa – Ülviyyə Fətəliyeva 0:1
Yolanta Zavadzka – Xanım Balacayeva 0:1
Alisya Şliviska – Gülnar Məmmədova 0,5:0,5

Qeyd edək ki, IV tur bu gün keçiriləcək. Kişilərimiz Xorvatiya, qadınlarımız Fransa ilə qarşılaşacaq.