Bakıda təşkil olunan "Rizin" Döyüş Federasiyasının "Landmark 7" turniri başa çatıb. Azərbaycan təmsilçisi Vüqar Kərəmovla (66 kq) yaponiyalı Çihiro Suzuki arasında keçirilib.

Prosport.Az xəbər verir ki, 31 yaşlı MMA döyüşçümüz rəqibinə uduzaraq kəmərini qoruya bilməyib. Suzuki ilk raundda nokautla qalib gəlib.

Vüqar Kərəmov məğlubiyyətlə bağlı fikirlərini şəxsi "Facebook" hesabında paylaşıb: "Ölkəmdə qalib gəlməyi çox istəyirdim. Yaxşı formada idim amça Allahın mənim üçün başqa planları var idi. Hər şeyin xeyirlisi... İnşallah, daha güclü qayıdacam və o kəməri geri götürəcəm. Söz!"