"Turan Tovuz" klubunun ilk dəfə Tovuz şəhər stadionunda quraşdırılmış "Fanfud"dan (Fanfood) nə qədər pul qazandığı məlum olub.

Prosport.Az-ın xəbərinə görə, bu, təxminən 400 AZN olub.

Bu barədə "Turan Tovuz"un İdarə Heyətinin sədri Ehtiram Quliyev "CBC Sport" verilişində qonaq olarkən deyib: "İlk dəfə "Qarabağ"la oyunda fanşop istifadəyə verildi. 400 manat oradan gəlir əldə etdik... Çalışdığım şirkət üçün bu çox az puldur. Ancaq futbol üçün bu, normal puldur. Biz 2 manat qazanırıqsa, onun üstünə daha 2 manat qoymaq üçün düşünməliyik, çalışmalıyıq. Əks halda, futbolumuzu inkişaf etdirə bilmərik".

Qeyd edək ki, quraşdırılan "fanfud"da buterbrod 1 manata, kofe 50 qəpiyə və çay 20 qəpiyə satılıb.