Bu gün daha bir cüdoçumuz Qətərin paytaxtı Dohada keçirilən dünya çempionatında mübarizəyə başlayacaq.

Prosport.Az xəbər verir ki, Zelim Kotsoyev (90 kq) 1/16 final mərhələsində Aleksandar Kukol (Serbiya) – Akobir Əbubəkri (Tacikistan) görüşünün qalibi ilə üz-üzə gələcək.

Qeyd edək ki, daha əvvəl kişilərdə Balabəy Ağayev, Turan Bayramov (hər ikisi 60 kq), Orxan Səfərov (66 kq), Hidayət Heydərov (73 kq), Səid Mollayi (81 kq), Murad Fətiyev, Məmmədəl Mehdiyev (90 kq), qadınlarda Leyla Əliyeva, Könül Əliyeva (hər ikisi 48 kq), Gültac Məmmədəliyeva və Aydan Vəliyeva (hər ikisi 52 kq) turniri medalsız başa vurublar. Dünya çempionatı mayın 14-də başa çatacaq.