Bakıda keçiriləcək "Rizin Landmark 7 " turnirində 5 MMA idmançımızın döyüşəcəyi dəqiqləşib.

Prosport.Az-ın xəbərinə görə, Ruslan Əfəndiyevin tələbələri – Tofiq Musayev, Vüqar Kərəmov, Mehman Məmmədov və Tural Rəhimovdan başqa, bu yarışda Nəriman Abbasov da çıxış edəcək.

Bu gün "Hilton" hoteldə keçiriləcək mətbuat konfransında onların rəqiblərinin adları açıqlanacaq. Böyük ehtimalla, onların rəqiblərinin əksəri yaponiyalı döyüşçülər olacaq. Noyabrın 4-də Milli Gimnastika Arenasında keçiriləcək bu yarışda Vüqar Kərəmov titulunu qorumağa çalışacaq.

Qeyd edək ki, Şəhriyar Abbasovun tələbəsi olan Nəriman Abbasovun da ilk dəfə bu turnirdə iştirak edə biləcəyini ilk olaraq saytımız xəbər vermişdi. Nəriman indiyədək 28 qələbə qazanıb və 4 dəfə məğlub olub.