Kişi voleybolçulardan ibarət "Xilasedici" komandası CEV XTB Çempionlar Liqasının II təsnifat mərhələsində cavab oyununa çıxıb.

Prosport.Az xəbər verir ki, Azərbaycan təmsilçisi Portuqaliyada yerli "Sportinq"in qonağı olub və 3:2 hesablı qələbəyə sevinib.

Komandalar arasında Bakıda keçirilmiş ilk matçda rəqib eyni hesabla qələbə qazandığından qarşılaşmanın taleyi qızıl setdə həll olunub.

Burada üstün çıxış edən (15:13) "Xilasedici" III təsnifat mərhələsinə yüksəlib.

Kişi voleybolçulardan ibarət "Ordu" komandası isə Çelenc Kubokunda ilk oyununu keçirib. Azərbaycan təmsilçisi 1/32 finalda Norveçdə "Forde"ilə qarşılaşıb. Görüş komandamızın 3:0 (25:11, 25:17, 25:19) hesablı qələbəsi ilə bitib.

Norveç klubu ilə cavab matçı noyabrın 19-da, Gənclər və İdman Nazirliyinin Voleybol Mərkəzində keçiriləcək.