Yunanıstanın Krit adasındakı Hersonissos şəhərində keçirilən 8-18 yaşadək yeniyetmələr arasında Avropa çempionatında VIII turun partiyaları keçirilib. 

Prosport.Az xəbər verir ki, 18 yaşadək qızların mübarizəsində Nərmin Abdinova Polşa şahmatçısı Klara Şzotkanı məğlub etməklə fenomenal nəticə göstərib.

Bu Nərmin Abdinovanın qitə çempionatında ardıcıl 8-ci qələbəsi olub. Bütün görüşlərini qələbəylə başa vuran Nərmin Abdinova sabah baş tutacaq 9-cu turun nəticəsindən asılı olmayaraq Avropa çempionu olub. 

Qeyd edək ki, Avropa çempionatında U-18 kateqoriyasında sonuncu qızıl medalı 2014-cü ildə Batumidə Ülviyyə Fətəliyeva qazanıb.

Avropa çempionatına sabah yekun vurulacaq.