2026/27 basketbol mövsümü üçün üzvlük paketlərinin qiymətləri bəlli olub.

Prosport.Az xəbər verir ki, "Bronze", "Silver", "Gold" və "Family&Friends" üzvlük paketləri var.

Qiymətlər belədir:

"Bronze" paket – bütün oyunlar üçün 119 AZN, bir klubun oyunları üçün 92 AZN (əlavə sadə bilet, şərf, açarlıq verilir);

"Silver" paket – bütün oyunlar üçün 299 AZN, bir klubun oyunları üçün 199 AZN (əlavə VIP bilet, forma, fan mağazasında 5% endirim verilir);

"Gold" paket – bütün oyunlar üçün 992 AZN, bir klubun oyunları üçün 719 AZN (əlavə VIP bilet, VIP Box, fan mağazasında 20% endirim verilir);

"Family&Friends" paketi – bütün oyunlar üçün 292 AZN, bir klubun oyunları üçün 192 AZN (əlavə 2 valideyn, 2 dost və uşaqları üçün sadə bilet, "Mənim ilk oyunum" qutusu verilir).

Bu üzvlük paketlərini Azərbaycan Basketbol Federasiyasının saytından (azebasketball.com), mobil tətbiqdən və oyunlar zamanı Bakı İdman Sarayında yerləşən kassadan əldə etmək mümkündür.