"İstənilən idman növündə dayanıqlı nəticə əldə etmək üçün müəyyən zamana ehtiyac var. Xüsusən son 5 il ərzində işimizi nizamlı və doğru qurmağa çalışmışıq. Bizim baxışımız ondan ibarətdir ki, məntiqi ardıcıllıq olmalıdır və prioritetləri doğru müəyyən etməliyik".

Prosport.Az xəbər verir ki, bu sözləri Azərbaycan Basketbol Federasiyasının (ABF) prezidenti Emin Əmrullayev 2025/2026-cı ilin yekunların dair illik hesabat tədbirində çıxış edərkən deyib.

Federasiya rəhbəri bildirib ki, basketbol ictimaiyyəti bu idman növünü xalqımıza daha yaxından tanıtmalı, insanların oyun qaydaları və basketbol haqqında məlumatlılığını artırmalıdır.

Əmrullayev növbəti hədəflərin klubların sayını artırmaq, aşağı liqalarda çıxış edən komandaların səviyyəsini yüksəltmək olduğunu bildirib. Onun sözlərinə görə, əsas məqsəd basketbolun dayanıqlı inkişafını təmin etməkdir.