3x3 basketbol üzrə Dünya Qadın Seriyasının Çinin Şanxay şəhərində keçirilən mövsüm finalında “Neftçi SOCAR” yarımfinala yüksəlib.

Prosport.Az xəbər verir ki, Azərbaycan təmsilçisi 1/4 final mərhələsində Monqolustanın “Ulan-Bator Amazons” komandası ilə qarşılaşıb. “Neftçi SOCAR” rəqibini 21:18 hesabı ilə məğlub edərək yarımfinala vəsiqə qazanıb.

Qeyd edək ki, “Neftçi SOCAR” qrup mərhələsində Fransa seçməsinə 17:15, Almaniyaya 16:11 hesabı ilə qalib gəlib, Niderlanda isə 12:22 hesabı ilə uduzub.