Fransanın hüquq-mühafizə orqanları “Real Madrid”in hücumçusu Kilian Mbappenin oğurlanması planının qarşısını alıb.

Prosport.Az xəbər verir ki, bu barədə “Le Parisien” məlumat yayıb.

Məlumata görə, polis ötən ilin aprelində saat ustasına hücum edən 18 yaşlı şəxsi saxlayıb. Araşdırma zamanı onun məşhurları oğurlamağı planlaşdıran cinayətkar dəstə ilə əlaqəsi müəyyənləşib. Dəstənin potensial qurbanları arasında Kilian Mbappe də olub.

Fransalı hücumçu 2024-cü ilin yayından “Real Madrid”də çıxış edir. O, yeni mövsümdə keçirdiyi üç oyunda 4 qol vurub.

Qeyd edək ki, “Real Madrid” La Liqada 9 xalla ikinci pillədə qərarlaşıb. Madrid təmsilçisi sentyabrın 4-də IV turda səfərdə “Betis”lə qarşılaşacaq.