“Qarabağ”ın U-19 komandasının UEFA Gənclər Liqasındakı rəqibi “Dinamo”nun (Zaqreb) akademiyası əsas komandadan daha çox tanınır.

Prosport.Az xəbər verir ki, bunu Ağdam klubunun futbol akademiyasının koordinatoru Aftandil Hacıyev "Report"a açıqlamasında deyib.

O bildirib ki, Xorvatiya klubunun futbol məktəbi Avropada bir çox tanınmış oyunçunun yetişdiyi akademiyalardan biridir və burada sistemli iş davam etdirilir.

A.Hacıyev “Qarabağ”ın U-19 komandasının heyətinin əsasən yerli futbolçulardan təşkil olunduğunu da qeyd edib. Onun sözlərinə görə, komandada yalnız Qanadan olan Daniel Aryeri çıxış edir. Klub beynəlxalq oyunlarda təcrübə qazanmaq üçün daha bir futbolçu transfer etmək istəyir, lakin bu istiqamətdə danışıqlar hələ müsbət nəticələnməyib.

Qeyd edək ki, “Qarabağ” U-19 UEFA Gənclər Liqasının ikinci mərhələsində “Dinamo” (Zaqreb) ilə qarşılaşacaq. İlk oyun oktyabrın 28-də, cavab matçı isə noyabrın 4-də keçiriləcək. Cütün qalibi növbəti mərhələdə “Benfika” – “Pafos” cütünün qalibi ilə üz-üzə gələcək.