“Sabah”ın UEFA Çempionlar Liqasının əsas mərhələsinə vəsiqə qazanmasında baş məşqçi Valdas Dambrauskasın böyük rolu olub.

Prosport.Az xəbər verir ki, bunu  klubun prezidenti Maqsud Adıgözəlov "Report"a müsahibəsində deyib.

O, Dambrauskasın komandaya həm taktiki, həm də psixoloji baxımdan ciddi təsir göstərdiyini bildirib:

“Valdas Dambrauskasın bu uğurun qazanılmasında çox böyük rolu var. O, komandaya yalnız taktiki baxımdan deyil, düşüncə və qalibiyyət mentaliteti baxımından da ciddi təsir göstərib. Futbolçular onun oyun prinsiplərinə inanır və meydanda nə etməli olduqlarını yaxşı anlayırlar. Komandanın ən çətin anlarda belə mübarizədən imtina etməməsi məşqçi işinin nəticəsidir”.

Klub prezidenti qeyd edib ki, “Sabah”da sabitliyə və uzunmüddətli əməkdaşlığa önəm verilir. O, baş məşqçinin gələcəyi ilə bağlı qərarların qarşılıqlı müzakirələr əsasında qəbul ediləcəyini vurğulayıb.