Bakıda təşkil olunan qadın voleybolu üzrə Avropa çempionatının C qrupunda növbəti oyun keçirilib.

Prosport.Az xəbər verir ki, günün ikinci matçında Niderland millisi İspaniya yığması ilə qarşılaşıb. 

Milli Gimnastika Arenasında keçirilən görüş “narıncılar”ın 3:0 hesablı qələbəsi ilə başa çatıb – 25:13, 25:11, 25:16.

Bununla Niderland millisi qrup mərhələsində üçüncü qələbəsini qazanıb. Komanda daha əvvəl Portuqaliyanı 3:0, Rumıniyanı isə 3:2 hesabı ilə məğlub edib. 

Günün ilk oyununda isə Belçika Rumıniyanı 3:0 hesabı ilə üstələyib.

Qeyd edək ki, C qrupunun bütün oyunları avqustun 28-dək Bakıdakı Milli Gimnastika Arenasında keçiriləcək.