Azərbaycan çempionu “Sabah” heyətini amerikalı basketbolçu Maykl “Mike” Ertellə gücləndirib.

Prosport.Az xəbər verir ki, 188 sm boya malik müdafiəçi ilə 2 illik müqavilə imzalanıb.

Ertel NCAA karyerasına ULM-də başlayıb. Burada Sun Belt konfransının ilin ən yaxşı yeni oyunçusu seçilən basketbolçu daha sonra All-Sun Belt mükafatlarına layiq görülüb. O, karyerasını UAB-də davam etdirərək komandasının Conference USA çempionluğu qazanmasına və NCAA turnirinə vəsiqə əldə etməsinə kömək edib.

27 yaşlı basketbolçu peşəkar karyerasında Avropanın Finlandiyanın “Lahti”, Fransanın “Vişi” və Polşanın “Toruń” klublarında çıxış edib. Ertel 2024/25 mövsümündə Polşa klubunun heyətində hər oyuna orta hesabla 18 xal və 5-ə yaxın assist göstəricisi ilə yadda qalıb.

Amerikalı oyunçu daha sonra Çinin NBL liqasında "Honq Konq Bulls" (CinNiu) komandasında çıxış edib. O, bu komanda ilə NBL çempionu olub, həmçinin Finals MVP və İlin ən yaxşı müdafiəçisi (Guard of the Year) mükafatlarını qazanıb.